شهر عسل اسطوري !!
احلي شهر في حياتي .. ماهو مع المزة .. سوري مع مراتي المزة يعني !!
المهم ان الحب بينا مقطع بعضه , تيجي تصحيني الصبحب برقة كده ( قوم يا حبيبي جهزتلك الفطار ) ( حاضر يا قلبي قايم اهه ) وكده وبتاع !!
نخلص الفطار من هنا , واقوم جري علي المطبخ ادخل الاطباق معاها , واعمل الشاي وهي بتغسل الاطباق , التعاون مطلوب برضه !!
( يا سلام علي الحنية ) جملتها العتيدة اللي كانت بتسمعهالي كل لحظة في شهر العسل , واللي مسمعتهاش بعد يوم 30 فيه خالص !!
المهم انه خلص بكل حاجه حلوة فيه , وبدات الامور ترجع لنصابها الطبيعي !!
النكد بدا يشتغل بقي , ماهو انا بدات اروح الشغل , وبدات الطلبات بتاعتها تشتغل , وعايزة كذا , وهاتلي كذا , وتقولي :
- انا عايزة اتفسح !
- والشغل ؟
- هو الشغل ده كل يوم ؟
- مانا بشتغل علشان اجيبلك طلباتك اللي بتعوزيها , اسرق يعني ؟
- يعني مش هتفسحني ؟ ( وتديها شوية كلام مالوش لازمة بقي .. ونبتدي في الخناق بتاع كل يوم ! )
المهم , جينا في يوم صحيت الصبح لقيت الدنيا مغيمة , والشمس مش موجوده اصلا , ويوم باين عليه انه مبشر يعني ! فايقنت ان حماتي هتيجي !!
ماكدبتش خبر , ببص لقيتها بتخبط وداخله , احضان وبوس لمراتي , وسلام عليا بقرف كالعادة , فانا سحبت نفسي وهربت في الاوضة بتاعتنا جوه , قلت اهو تجنبا لحدوث كارثة كونية !!
المهم انه لقيت مراتي داخله بتقولي انه هنروح انا وهي والمصونة امها مشوار لحد بنت خالت مراة عمها ! علشان عيانة , قلنا طيب !!
نزلنا وانا كلي امل ان الموضوع يخلص بسرعة , قالت بصوتها اللي شبه النهيق ( عايزين نجيب كيلو برتقان ولا حاجه ) حودنا علي السوق علشان نشتري البرتقان , راحت علي واحد فارش وقدامه جبل برتقان :
- الكيلو بكام ؟
- باتنين جنيه يا حاجه
- انت حرامي , انا جايباه امبارح بجنيه
- يا ستي كل السوق بيبيعه باتنين جنيه
- لا انا هاخده بجنيه
- ماعنديش برتقان يا ستي , جبرنا
- يعني كده ؟ طييييييب !!
اقسم بالله , اللي حصل بعدها لا يمت للبشرية باي صلة , المهم انه في الاخر لقيت الراجل دماغه مدفوسة في وسط جبل البرتقان , ولقيت حماتي متضيره بتبصلي والدخان طالع من مناخيرها زي يتران المصارعة !! استخبيت ورا مراتي , مش خوف , بس انا قلت اهي اكيد مش هتاذي بنتها , وفعلا هديت , لكنها ماسكتتش راحت لواحد تاني وسالته :
- كيلو البرتقان بكام ؟
- عشرة صاغ يا حاجه !!!!
احلي شهر في حياتي .. ماهو مع المزة .. سوري مع مراتي المزة يعني !!
المهم ان الحب بينا مقطع بعضه , تيجي تصحيني الصبحب برقة كده ( قوم يا حبيبي جهزتلك الفطار ) ( حاضر يا قلبي قايم اهه ) وكده وبتاع !!
نخلص الفطار من هنا , واقوم جري علي المطبخ ادخل الاطباق معاها , واعمل الشاي وهي بتغسل الاطباق , التعاون مطلوب برضه !!
( يا سلام علي الحنية ) جملتها العتيدة اللي كانت بتسمعهالي كل لحظة في شهر العسل , واللي مسمعتهاش بعد يوم 30 فيه خالص !!
المهم انه خلص بكل حاجه حلوة فيه , وبدات الامور ترجع لنصابها الطبيعي !!
النكد بدا يشتغل بقي , ماهو انا بدات اروح الشغل , وبدات الطلبات بتاعتها تشتغل , وعايزة كذا , وهاتلي كذا , وتقولي :
- انا عايزة اتفسح !
- والشغل ؟
- هو الشغل ده كل يوم ؟
- مانا بشتغل علشان اجيبلك طلباتك اللي بتعوزيها , اسرق يعني ؟
- يعني مش هتفسحني ؟ ( وتديها شوية كلام مالوش لازمة بقي .. ونبتدي في الخناق بتاع كل يوم ! )
المهم , جينا في يوم صحيت الصبح لقيت الدنيا مغيمة , والشمس مش موجوده اصلا , ويوم باين عليه انه مبشر يعني ! فايقنت ان حماتي هتيجي !!
ماكدبتش خبر , ببص لقيتها بتخبط وداخله , احضان وبوس لمراتي , وسلام عليا بقرف كالعادة , فانا سحبت نفسي وهربت في الاوضة بتاعتنا جوه , قلت اهو تجنبا لحدوث كارثة كونية !!
المهم انه لقيت مراتي داخله بتقولي انه هنروح انا وهي والمصونة امها مشوار لحد بنت خالت مراة عمها ! علشان عيانة , قلنا طيب !!
نزلنا وانا كلي امل ان الموضوع يخلص بسرعة , قالت بصوتها اللي شبه النهيق ( عايزين نجيب كيلو برتقان ولا حاجه ) حودنا علي السوق علشان نشتري البرتقان , راحت علي واحد فارش وقدامه جبل برتقان :
- الكيلو بكام ؟
- باتنين جنيه يا حاجه
- انت حرامي , انا جايباه امبارح بجنيه
- يا ستي كل السوق بيبيعه باتنين جنيه
- لا انا هاخده بجنيه
- ماعنديش برتقان يا ستي , جبرنا
- يعني كده ؟ طييييييب !!
اقسم بالله , اللي حصل بعدها لا يمت للبشرية باي صلة , المهم انه في الاخر لقيت الراجل دماغه مدفوسة في وسط جبل البرتقان , ولقيت حماتي متضيره بتبصلي والدخان طالع من مناخيرها زي يتران المصارعة !! استخبيت ورا مراتي , مش خوف , بس انا قلت اهي اكيد مش هتاذي بنتها , وفعلا هديت , لكنها ماسكتتش راحت لواحد تاني وسالته :
- كيلو البرتقان بكام ؟
- عشرة صاغ يا حاجه !!!!
يتبع !!!!
» ورط العضو الى بعدك بسؤال محرررررررررررج
» اختر عضو يكنس المنتدى عند الرقم 7 ..
» هل لديك انوثة ؟؟ اعرفى من هذا الاختبار
» ان لم تكن هي ... اذا فمن هي ؟
» ما زلت لا افهم !!
» سبحان الله والحمدلله ولاإله إلاالله والله أكبر (( العب ولكـ الأجر ))
» الشباب و تفريغ الشحنات العاطفيه على الانترنت
» here i'm these is me lol
» برنامج لحذف أميلكـ من عند أى حد ضايفكـ عنده على الياهو برنامج قمة الجمال وفعال 100%وداعا للغلاسة
» الارق ( الاخيرة )
» الارق ( 5 ) !!
» حبيب العمر والروح
» الارق (3) !!
» الارق !! (4)